Voters Registration gipahigayon sa mga public schools

Author Name: Lloyd Kenzo L. Oasay

 Bisan sa mga pampublikong eskwelahan, nagpahigayon sa gihapon ang City Comelec Office sa SK and Brgy Voters Registration.

 Kini suma pa ni City Comelec Supervisor Atty Myla Luna sa tinguha nga ilang makab-ot ang target nga 7,000 newly registered voters edad 15 hangtud 17.

 Gituyo sa Comelec nga ipagihayon sa mga public high schools ang ilang lihok aron makadani sa mga bata nga magparehistro ug muapil sa SK Elections sa umaabot nga bulan sa Oktubre.

 Gani, padayon sab nga ginatutokan sa ilang buhatan ang uban pang mga botante edad 18 pataas nga musalmot sa ginapahigayong registration alang sab sa Barangay Elections nga dungan sa SK Elections.

 Niadto na sila Atty Luna ug iyahang mga empleyado ngadto sa mga barangay hall aron himuon ang pagparehistro sa mga botante sukad sa bulan sa Pebrero ning tuiga.

 Hangtud na lamang sa Abril 29, 2017 ang Brgy and SK voters Registration, matud pa sa Comelec.

 Kini aron makapangandam ug igong panahon ang ilang opisina sa ipahigayong piniliay sa Barangay ug SK sa bulan sa Oktubre.


(Photo Credits: NDBC NEWS)